Falcon
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تابع لـ همس المشاعر لاتنتهي .....

اذهب الى الأسفل

تابع لـ همس المشاعر لاتنتهي ..... Empty تابع لـ همس المشاعر لاتنتهي .....

مُساهمة  river.singer الأحد سبتمبر 07, 2008 8:30 pm

align=center]الدكتور: مشاعل مشاعل وينادي على الممرضات
طبعا قام الدكتور بالعلاج الازم لمشاعل ومحمد كلم زوجته وعلمها بلي صار عشان تقولي لابومحمد لا طبعا وضع مشاعل مو سهل خصوصا انها انصدمت بوضعها الصحي وعضلة القلب عندها ضعيفه
نوره: عمي وشلونك بشريني عنك
ابو محمد : بخيير يابنيتي
نوره محتاره وشلون تقول لعمها عن بنته: عمي مشاعل طلعت مع محمد
ابو محمد: ايه قالتلي بس قالت بتروح مع السواق للمكتبه
نوره: عمي مشاعل ماراحت للمكتبه مشاعل تعبت شوي وحست بدوخه وودها محمد للمستشفى
ابو محمد: وشتقولين بنتي وشفيها وينهم باي مستشفى قوليلي كلميلي على رجلكك يلا بسرعه
نوره تنحت ماتدري وشتسوي وجت تبي تدق على محمد ومع الروعه نست رقمه
ام محمد: وشفيييكم وشصاير
ابو محمد : مشاعل بالمستشفى مادري وشبها يلا نوره اخلصييي كلمي على محمد بسرعه
نوره دقت على محمد بعد عناء في تذكر الرقم
محمد: اللو
ابو محمد: وشفيها مشاعل قولي ياممحمد
محمد : يبه هدي نفسك مافيها الا العافيه بس قل اكل تعرف بنات هالوقت وهالرجيمات
ابو محمد : زييين زييين انا جايك الحين
محمد : زين يبه
ام محمد: بروح معك
ابو محمد: وش يوديك البنت وبترجع معي لاتشيلين هم الا اقعدي وجهزيلها اكل عشان تتغذى زييين
ام محمد: بس قلبي ماراح يطمن لين اشوف بنيتي
ابو محمد: الله يهديك ياموضوي لاتخافين على البنت اوعدك او ماشوفها اكلمك واطمنك
ام محمد: زين الي تشوفه يابو محمد
ابو محمد راح للمستشفى استقبله محمد عند الباب ووداه غرفة الدكتتور وقالوله كل شي
ابو محمد: وين بنتي ويييينهي
الدكتور : هدي نفسك ياعمي البنت عطيناها مهدئ ونايمه الحين لان مانبيها تتعب خصوصا بعد ماعرفت الي فيها
ابو محمد: طيب ليش قلتلوها
الدكتور: يااعمي لازم البنت تعرف عشان تقدر تتعايش ع نفسها وتقدر تنتبه لنفسها لانها لازم ماتحمل نفسها وتضغط على نفسها وطبيعي لازم تعرف ولا تتوقع بنتك بترضى تاخذ ادويه فتره طويله ويمكن طول عمرها بدون ماتسال وشفيها
ابو محمد وبصوت كله حزن والم : وين البنت الحين ابي اشوفها
بعد 4ساعات صحت مشاعل وشافت ابوها وقعدت تبكي وتتحسر على الي فيها
ابو محمد: يابنتي عادي ممانتهت الحيااة وبعديين مو اول ولا اخر وحده يصير فيها كذا بعدين يابنتي هدي نفسك ومابي اشوفك متضايقه اذا تبين رضاي ولاتفكرين بهالشي ابدا
مشاعل : بس يبه كيف تبيني مافكر ماقدر يبه ماقدر
ابو محمد وهو يقاطع بنته بصوت كله حنان : يابنتي حبيبتي احمدري ربك شي بسيط ومع العلاج واذا انتبتهتي لنفسك بيروح باذن الله والدكتوور طمني ياحبيبتي بس اذا بتقعدين كذا ماراح تساعدين الدكتور ولا تساعدين نفسك وبتزيدين التعب الي فيك وانا مابيك كذا ابي بنتي قويه وتتحمل الي يجيها مابيك توقفي عند اول عتبه تطيحين عليها تنهين حياتك ابيك ترجعين زي اول شعولتي الي تبي رضى الكل والفرفوشه والي دايم مبتسمه وتضحك مابي بسممتك تروح انا اذا ماشفتها يتكدر يومي كله
محمد: احم احم يبه ترا بنغااار
ابو محمد: روح لحرمتك تدلعك انتم كلكم بكفه ومشاعل بكفه والكل عارف من يوم ماجبتها وهي العزييزه عندي
اووه نسيت اكلم واطمن امك وانا قافل تلفونيي يوووه تلقاها تحاتي دق يابوك على عبد الله قوله يجيب امك لاني اعرفه ماراح تصبر وبتجي كلمه
محمدكلم عبد الله وقاله الساللفه وراح عبد الله قال لامه وجابها
ام محمدوتركض لبنتها وتحضنها: يابنتي سلامتك ياحبية امك وقلبها ليته فيني ولا فييك ااااه يابنتي
ابو محمد: الله يهيدك يامره وشفيك البنت مافيها شي بس هي تدلع تبي تختبرنا عشان تشوف غلاتها
عبد الله يحب على راس اخته :حمد الله على سلامتك اختيي وماتشوفين شر
الدكتوور: السلام عليكم
الكل : وعليكم السلام
الدكتور: معليش بس نبي ناخذ البنت نسويلها شوي فحوصات من بعد اذنكم
اخذ الدكتور مشاعل وراح محمد معهم
عبد الله: يبه انا ااسف يبه ارجووووووك سامحني يبه عشان خاطر مشاعل سامحني على الاقل يبه والله اني اتعدل وبتشوفني واحد ثااني يبه ارجوك
ام محمد: خلاص ياابو محمد عشان خاطري سامحه
ابو محمد: انا بسامحك بس ماراح ارضى رضى تام عليك لين ماشوفك متعدل انشالله
عبدالله وعيونه كل فرح: شكرا يبه الله يخليك لي شكرا يايبه وهو يحب فوق راسه
ابو محمد: المهم الي بمشاعل مانبي احد يدري عنه ومابي تحسسونها بشي عشان لاتتاثر هي بشي
رجعت مشااعل وشرحلها وشرح لاهلها كيف لازم تاخذ علاجاتها وكيف لازم ماتتحمل ضغوط نفسيه كثيير وكل الي يساعد على صحتها وحمايتها من اي شي
ابو محمد: ونقدر ناخذها الحيين
الدكتور : انا افضل انها ترتاح عندنا ونبدى تعطيها العلاجات وهي عندنا افضل حتى لو كان اي مضااعفات من العلاج والا تكون هي موجوده عندنا
ابو محمد: اها خلاص اجل تقعد عندكم صحة بنتي الزم شي
ام محمد: اجل قوم ياعبد الله ودني للبيت اجيب اغراض لها
مشاعل: تشلمين يمه بتعبكم معي
محمد: يؤ عليك كم مشاعل عندنا لو ماتبنا عشانك نتعب عشان مين
ام محمد: ايه يامشاعل اخوك صادق
مشاعل : تسلمونلي يمه بس حتى انت يامحمد من متى وانت هنا روح لنوره انا عادي الحين كويسه
محمد: لالا بقعد عندك
عبد الله: روح يامحمد انا بقعد عندها
مشاعل : ولا احد بيقعد انا حمد الله مافيني شي وبنام خلاص لاتتحسسوني اني مثقله عليكم
ابو محمد: لا منتي مثقله يابنتي بس كلنا نبي نكون جنبك عشان لاتطفشين ولا تقعدين بلحالك
ام محمد: خلوها الحين تنام وترتاح وانا بروح اجيب اغراض لها وارجعلها وبلليل وانام عندها
ابو محمد: خلاص كلام امكم هو الصح خلاص يابنيتي حنا بنروح تبين نجيب شي لك
مشاعل: سلامتكم لا شكرا مابي شي
وطلعووا من عندها ومشااعل قعدت تفكر بنفسها وكيف بتصير حياتها ياربي كيف بعييش معقول بصير كني عجوز زي جدتي امشي بشنطة ادويه ولا معقول كل شي بيقولن ااهلي طيب وخلوها على كيفي عشان لا اتعب مابي حياتي تصير كذا ابي اعيش طبيعيه ياربي ليش يصير كذا ياربي بدر حبيبي معقوله بيتركني لو درى لالا ماتوقع هو يحبني ياربي مسكين الحين يكون قاعد ينتظرني ويدورني ياحبيبي اكلمه واقوله وش الي صابني اكلمه اقوله وشصار بحبيبته يااربي وش اسويي وترف التلفون وتدق على بدر
بدر: الوو
مشاعل وهي تصيح: بدر
بدر: ايه نعم مين
مشاعل: بددددر انا تعبانه عشان كذا كلمتك بدر محتاجتلك يابدر
بدر مو عارف الصوت لانه كله صياح جا فباله انها ريما وتبي تسوي فلم جديد
بدر: اسمعي ياريما الي بيني وبينك انتهى من سنننين ولاراح يرجع انا الحين مرتبط في بنت واحبها وتحبني ومابي ترجعين تدقين علي انا مابيك افهميي حنا انتهينا من زماااان و
مشاعل تقاطع بدر: بدر انا مو ريما انا مشاعل
بدر انصدم مايدري وش يسوي[/align]
river.singer
river.singer
Admin
Admin

المساهمات : 374
تاريخ التسجيل : 22/08/2008
العمر : 41

https://falcon-dz.ahlamontada.net

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى