تابع لـ همس المشاعر لاتنتهي .....

استعرض الموضوع السابق استعرض الموضوع التالي اذهب الى الأسفل

تابع لـ همس المشاعر لاتنتهي .....

مُساهمة  river.singer في الأحد سبتمبر 07, 2008 8:28 pm

[align=center]مشاعل: السلام عليكم
عبد الله: وعليكم السلام وين كنتي حبيبتي
مشاعل: عند منال صديقتي
عبد الله : انشالله انبسطتي
مشاعل: الحمد الله عن اذنك عبد الله دايخه نووم ودي اطلع انام
عبد الله : اذنك معك حبيبتي نوم العوافي
مشاعل: الله يعافيك تصبح على خير
وراحت لغرفتها وعلى طوول على النت وتلقى بدر يستناها
بدر: وينك من العصر لين الحين وانا مرتز احتريك
مشاعل: سوري حبيبي بس منال جهازها خربان ولا قدرت
بدر: المهم طمنيني
مشاعل : بكره بروح ثاني واشووف
بدر: حمد الله على سلامتك
مشاعل: الله يسلمك بدر معلليش تعبانه وودي اروح انام
بدر: سماح هاامره بس
مشاعل : تسلم حبيبي تصبح على خير
بدر : وانتي من اهله
وراحت مشاعل بسابع نومه
يدق التلفون رقم غريب على بدر
بدر : الو
المتصله: هلا بدر كيفك
بدر: بخير بس مين معي
المتصله : الله يا الدنيا نسيتني بدووور كله من وحده بالنت تنسيك العشره الي بينا
بدر: ريما وشتبين متصله الظاهر انتي تزوجتي وتركتيني وجايه الحين حاسبيني اذا نسيتك ولالا ايه نسيتك ونسيت كل لحظه وكل شي بيني وبينك وماعاد بينا شي وبعدين انتي وحده متزوجه كيف تكلميني
ريما: بدر حرام عليك انا تركت زوجي عشانك
بدر : ماعلي منك يوم طلبتك تقولين لاهلك لا وحضرتك رفضتي جاشيه الحين تقولين تركته ماتمشي علي مو انتي الي تركتيه بالاصح هو الي ترك من فعايلك
ريما: انت وشقاعد تقول
بدر: ريما خلاص الي بينا انتهى وانا انسان خاطب وبتزوج لاشوفك داقه على رقمي تفهميين
ريما : الو الو وين رحت قفل بوجهي لكن هين يابدر
نوره: محمد تعال تعال شوف ولدك يتحرك تعال تحسس
محمد: اشوف اي والله وناسه ياحليله
نوره: اي وناسه الي مع كل رفسه يعورني الله يصلحه باين بيصير مشااكس
محمد: اقوول انت لاتتعب امك ولا لاطلع هالتعب من عيونك الا نوره حبيبتي
تدخل مشاعل عليهم بالصاله
مشاعل : سلااام
محمد ونوره: وعليكم السلام
محمد: ماصار نوم توك تصحيين
مشاعل: تعويض تعوييض بعد ذا السنه الي طلعت روحي فيها
محمد: بس ماشالله بيضتي الوجه
مشاعل:ايه اجل وشتحسب انا مشاعل
نوره: وش القسم الي بتدخلينه
مشاعل : ديكور انشالله
محمد : اخس اخس بتصيرن مهندسه ديكور ماشالله
مشاعل وين اهلي
محمد: طالعيين
مشاعل: يووووه ابي اروح المكتبه اجيب كتب ودي اقرى بهالاجازه
نوره: مو سهله بتتثقف الاخت
محمد: ايه ملاحظ الشي هذا
مشاعل: عاد طحت بذا الاثنين وش بيفكني المهم حمود حبيبي يااحلى اخو بالدنيا تراني بطلع زين اروح المكتبه
محمد: كلمي امك وابوك مالي شغل
مشاعل : زين
دقت مشاعل على ابوها وستااذنت وطلعت وراحت لدكتتور طبع هي ماتبي تروح للمكتبه ولاشي
دخلت على الدكتور وكان بنظراته شي يخوف
مشاعل : دكتور بشر كيف الفحوصات
الدكتور: ابوك وينه
مشاعل: ابوي وشتبي فيه يادكتور قولي وش فيني قولي
الدكتور اسف يابنتي لازم احد من اهلهك يجي
مشاعل قعدت تفكر ياربي من اكمل ابوي لالا مافي الا محمد
مشاعل: الو محمد
محمد: هلا مشاعل وش فيك
مشاعل : محمد بقولك شي بس لاتعصب
محمد: مشاعل وشفيك قولي
مشاعل: صراحه انا كان عندي موعد بالمستشفى وابيك تجيني الحين
ممحمد: مشاعل وشفي فيك شي تكلمي
مشاعل : لالالا بس ماعرف اسوي ملف وطالبين بيانات مدري وشو
محمد: زين شو وانا جايك
بعد نص ساعه جا محمد وقعدت معاه مشاعل وشرحته السالفه من اول للاخيير ودخلو على الدكتور
مشاعل: هاذا اخوي الكبير يادكتور يالله قولي النتيجه
محمد: انا محمد اخوها الكبير طمنا يادكتور
الدكتور : بالحقيقه يااخ محمد انا مو عارف ابش اقول بس اختك كانت تشكي منشي الفتره الاخيره
محمد : لا يادكتور
الدكتوره: مالحظتوا عليها شي
محمد: لا بس يمكن ان اذا سوت اي مجهود نلقاها تعبت وتلهث واسا ماعندها لياقه او شي مشابه
الدكتور: الصراحه يامشاعل وانت ياخ محمد الموضوع كبيير اختك يامحمد عضلة القلب عندها ضعييفه وللاسف مع الاهمال زاد الضعف فيها ولازم لها علاج وعنايه
محمد: وشتقوووول يادكتور اختي سليمه مافيها شي
الدكتور وعيونه على مشاعل الي جامده ولاحركه او اي تعبيير: اهدى ياخ محمد جبناك عون لنا اختك لازم تبدى بعلاج وانت عارف ام عضلة القلب مالها علاج او شفاء الا بزراعة قلب وهذا شي نناادر نجاحه فهي بتدى تاخذ ادويه تخفف من المشكله الي عندها ولازم هي تساعد نفسها بنفسيها
محمددمعت عيونه لاشعوريا على اخته الي توه باول عمرها يصير فيها كذا
الدكتور : مشاعل يابنتي انتي معي
مشاعل وقفت وطاحت من طولها[/align]

river.singer
Admin
Admin

عدد المساهمات : 374
تاريخ التسجيل : 22/08/2008
العمر : 33

معاينة صفحة البيانات الشخصي للعضو http://falcon-dz.ahlamontada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى