Falcon
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تابع لـ همس المشاعر لاتنتهي .....

اذهب الى الأسفل

تابع لـ همس المشاعر لاتنتهي ..... Empty تابع لـ همس المشاعر لاتنتهي .....

مُساهمة  river.singer الأحد سبتمبر 07, 2008 8:26 pm

[align=center]راحت نوره ومحمد للمستشفى وطبعا بالبدايه راحت لدكتورة باطنيه ودكتوره الباطنيه حولتها على نسا وولاده
ومحمد يامسكين قلبها طاير خايف لى حرمته
نادوا على نوره وقالت لمحمد انا بدخل انت خلك
محمد: مافيه رجلي على رجلك بالطمن عليك
دخلوا عند الدكتوره ونوره قالت لدكتوره كل الاعراض الي تحسها وكشفت عليها بالالتراساون وطلعت حاامل بالشهر الثاني
طلعت الدكتوره من غرفة الثانيه وبشرت محمد ان زوجته حامل ومحمد من الفرحه سجد يشكر ربه
وطلعوا من المستشفى ومحمد مسك جواله و كلمه امه اوبه وبشرهم وبعدين كلم اهل نوره وبشرهمم وهم الاثنين سعدين سعاده لاتصوف
نسينا الي بالمشغل طبعا بدر ماتحرك ومنصدم من الملاك الي شافه قدامه وقام يناظر نفسه بالمرايا يوكلم نفسه الحين مالت علي وانا الي شايف حالي وموريها صورتي واقولها انا من احلى شباب الرياض وعلى بالي احلى منها مالت علي طلعت قرد عندها ولاينفتح الباب وتطلع فلبينيه شايله فستاان كبييير وتطلع وراها بنتين لالا مومصدق شعولتي حبيبتي يالله يازينها ياحلوه ودي اعظها واخمها احبها يا ناس احبها
مشاعل: انتبهت لسياره وخافت قعدت تكلم هيفا عشان ماترتبك وعشان لاينتبه انها منتبها :: تصدقين هيووف فستانك مره يجنن مرههه حلووو انا افكر تحطين مكياج غير المعتاد للعروسه حطي تركواز ووبرتقالي يجنن
هيفا تناظر اختها : بسم الله عليك يامشاعل الحين انت وش فيك م ووجهك وشفيه متقلب الووان يع طالعه تروعيين
مشاعل يوم قالت هيفا الكلام خلاص دموعها بتنول اول مره يشوفني وهيفا تقول اروع لالا خلاص بتنزل دموعي لالا امسكي نفسك يامشاعل لاكن سالت دموع مشاااعل ومين انتبهلها بدر
طبعا مشت سيراة مشاعل وهي تبكي بالسياره وهيفا ماتدري وش سالفة اختها وهيفا تحاول تهدي فيها وكذا
هيفا : مشاعل وشفيك
مشاعل وهي تكلم نفسها اه لو تدرين وشفيني سويت شي غلط غلط ولا وليتني استفدت طلعت اروع ( حساسه البنت):لالا ولاشي بس تذكرت انك بتروحين وتخليني (تعرف ترقع)
بدر المسكين الي انشغل باله وبدت الافكار يمين ويسار وتودي وتجيب لين ماخلاص وصلت معه معد قدر يفكر يبي يرجع البيت ويكلم مشاعل ويشوف وشفيها
وصلوا البيت مشاعل راحت لغرفتها وغيرت ملابسها وخلاص بتنام ماتبي تتدخل النت ولا تكلم احد ولاتفكر بشي قعدت تبكي على الشي الي سوته لين ماراحا بسابع نومه
وهيفا اخوانها وامها طايرين بفستانها وهي من الفرحه راحت تكلم زوجها وتبشره ان فستانها طلع وهو يبي الزواج اليوم قبل بكره
هيفا : هلا حبيبي كيفك
فهد: هلا عيوني كيفك انتي
هيفا : بخير عندي لك بشااره
فهد: بشريني ياحلوه يلا قولي
هيفا : خلص فستاني
فهد: قولي والله
هيفا بدلع: فههد وشفيك يعني بكذب عليك
فهد: ياعيوني انتي لالا خلاص بكره العرس دام الفستان خلص اجل وش معطلنا
هيفا خافت: فهد وشتقول الا لالالالا ماعلي فيك
فهد: هيفا خلاص الفستان وخلص انا طفشت وانا انتظر ابيك عندي
هيفا: فهد كلها شهر وخلاص ماتقدر تصبر
فهد: نصبر وش نسي
مر اسبووع ومشاعل ماتدخل النت ماتدري وشولن تقبل بدر وهيفا تكمل جهازها وممحمد ونوه مبسووووطين بالحمل وبدو يرسمون المشاريع والافكاار
ناااصر: يبه تسمح اكلمك
ابو ناصر : تفضل ياوليدي
ناصر: وشصار يبا على مشاعل بنت عمي وافقت والا
ابو ناصر: والله ياوليدي الظاهر مافي نصيب هي ودها تكمل دراستها وتعرف البنت صغيره بس انت الي مصمم تبيها انا اقول ياابوك وشرايك نقول لامك تدورلك من المعارف وتفرح قلبي فيك
ناصر : خير انشالله بس مو الحين يبيه
وطلع ناصر من عند ابوه والدنيا ضايقه فيه ليه يامشاعل رفضتيني ليه انا احبك وناوي افرشلك الدنيا كلها حرير واحطك بعيوني ليه تحرميني من احلامي وسعادتي معك ليش سرقتي قلبي وبعدين ترفضيني
وهي وشدراها بعد اني احبها وهي شايفتني كببيير عليها اكلمها واقولها مشاعري لالا وين احنا فيه لو عندي اخت مارضيت ولد عمي يسوي كذا وغير كذا يمكن اطيح من عينها يالله استنى لين تخلص من الدراسه وتصير بالجامعه وارجع اتقدم وانشالله توافق
ام ناصر: وينه ناصر يابو ناصر
ابو ناصر : طلع بعد ماقلتله ان مشاعل ماتبي تعرس
ام ناصر: ياعيني عليك ياوليدي باين عليه يبيها ماعليه بكره اخطبله احسن بنات الرياض
ابو ناصر: وشتققولين انتي لو لف الدنيا كلها مو لاقي زي بنت عمه وبعدين هو مايبي يعرس الحين وانتي عارفه انه كان يبي يخطب بنت عمه بس خطبه ولا يتزوجون الي بعديين خلاص انتي عاد لاتجيبينله طاري ولا شي الا اذا هو تكلم زين
ام ناصر: بس يابو ناصر هذا وليدي وابي افرح فيه وبنت
قاطعها ابو ناصر : لاتكملين الي صار صار ولو له نصيب فيها بياخذها ولا تفتحين معاه الموضوع ولا موضوع الزواج فاهمه
ام ناصر : انشالله الله يكتب الي فيه الخير
سيف: عبد الله وشفيك معصب الله يهيدك بكيفه الي صار صار
عبد الله: وشتقول انت قهر والله قهر وشدخلني انا ذا الدكتور يحط حرته فيني انا ماقلت شي الا الحق ولا الحق ماحد يبيه هالايام
سيف: الله يهيدك عبد الله انت تعرف ذا الدكتور حمقي ولا يطيق احد يرد عليه ولا يقوله شي المه بكيفه انت وشعليك منه المهم افتكينا منه وبعدين شد حيلك بالاختبار وانشالله ماراح يقدر عليك وبعدين وشفيك مسرع هدي ياخي لايجينا شي ونروح بسبت ذا الدكتووور
عبد الله : زين زين

رجعت مشاعل من المدرسه وقررت بعد تفكير طويل تدخل النت وتعتذر عن انقطاعها ان الجهاز كان خربان
دخلت مشاعل ومالقت احد شابك ولقت 20 ايميل فتحتها لقتها كلها من بدر
وكلها قلقان عليها ويمتدح بجمالها ويعتذر منها عشان طلبه ويبيه تردلهوتسامحه وانه مايبي من الدنيا شي غيرها
الا وشو الي يدخل ( دنيتي اظلمت بعدك يامشاعل)
مشاعل : مين هذا وتشوف بدووور حبيبي يابعد عمري لوتدري وشكثر مشتاقتلك لكون مستحيه من الي سويته من موافقتي طبعا هي تكلم نفسها
بدر: مشااااعل حرام عليك وينك ليش تسوين فيني كذا وينك انشغلت عليك الحين الحين تعطيني ايميل اي احد من صديقاتك ولا ععطيني اي شي اقدر وصلك فيه اذا اختفيتي ليش سويت كذا حبيبتيي لييش
مشاعل : هلا بدر انا اسفه بس جهازي كان خربان سسامحني حبيبي ماكان قصدي
بدر : سااكت
مشاعل : بدوور اسفه
بدر : مشاعل خليك صريحه انتي عارفه اني فاهمك الجهاز ماكان خربان انتي كنتي خايفه اقول وش هذي الي خلتني اشوفها ومن كلام الشباب الماصخ مشاعل انتي متى تفهمين اني احبك واني صادق معك ولافكرت ولاراح افكر بشي يسيءلك ولا شي انتي اروع واجمل ملاك بالدنيا انتي الي رجعتي احلامي لي ورجعتي الحياة لي خليتني احس ان الدنيا حلوه مشااعل انا والله احبك وابيك لي طول عمري فاهمه لي ولحالي ولاراح اخلي احد ياخذك مني ابدا
مشاعل تذكرت ناصر وقاعده تفكر تقوله ولالا وقررت انها ماراح تقولها وتصبر تشوف
بدر: حبيبتي لمتى بتجفيني معقوله انتي قدرتي تصبرين عني
مشاعل بحيا: لا
بدر: طيب فكيها
مشاعل : طيب خلاص كيفك وكيف دراستك
بدر: بخيير يابعد دنتي توني بس احس اني بخير وعافيه وان الحياة رجعتلي
مشاعل مستحيه وتحط ابتسامه
بدر: بس تصدقين ماتوقعتك بهالجمال اسمعيني يا انسه لاعاد اشوفك طال عمرك كاشفه فاهمه ابيك تغطيين
مشاعل وش يبي ذا :: وش اتغطى لا لا ماتعودت
بدر: انتي تنززلين السوق كذا
مشاعل: لا ااحط الغطا بس لما اكون بالسياره لا واذا كنت مثلا بمتزينه لا اتغطى
بدر: طبعا غطى خفيف
مشاعل: مو مره
بدر: لالالا مايعجبني كذا ابيك ياتتلثميين او تتغطين ثنتين انا مابي حرمتي احد يشوفها
مشاعل : وش حرمتي
بدر: ايه اجل تحسبني احبك اتسلى لالا ماعندي ذا السوالف
مشاعل مستحيه وتغير الموضوع: تصدق بدر بقولك شي بس خايفه
بدر: شوشو وشفيه قولي حبيبتي لاتخافين مني
مشاعل : تصدق اني معد صرت مثل اول صايره اتعب اذا سويت اي مجهووود واذا مثلا سويت رياضه احس بضيق مو طبيعي والم بصدري واقعد احال اهدي نفسي ليين مايخف الامل
بدر: وش تقوولين من متى وانتي ذا وليش توك تقولين
مشاعل : ماذكر من فتره تقريبا
بدرك حبيبتي لالازم تروحي لدكتووور فاهمه
مشاعل: مابي احس اني خايفه
بدر: حبيبتي هذي صحتك ولازم تنتبهين ياعيوني لازم تشوفين وبعدين انشالله مافي الا الخير ويصير دلع بناات ياقلبي انتي بس ابيك ماتتعبين حالم ليين ماتروحيين الدكتور زين
مشاعل: انشالله تامر امر معليش حبيبي لازم اطلع لان عندي اختبار و ومابقى وقت
بدر: اوكي حبيبتي ابيكك تنتبهين لحالك وذاكري زين ابيك تاخذين كامل
مشاعل: انشالله من عيوني باااي
بدر: باي
نرجع لحقين المستشفى ونشوف وشصار فيهم
هيفا: يمه هدي نفسك الجنين بدال جنين واهم شي صحة ناصر ومشاعل
ام ناصر وابو ناصر وصلوا المستشفى وراحوا للمكان الي فيه ام واوب محمد والعيال
ام ناصر : ولدي وينه وينه ياام محمد وشصار قوليلي وشاصاار
طلع الدكتور وعلامة الاسى مرسومه بوجهه: انا اسف بس ناصر يعطيكم عمرره
الكل : ايش
ام ناصر طاحت مغشي عليها[/align]
river.singer
river.singer
Admin
Admin

المساهمات : 374
تاريخ التسجيل : 22/08/2008
العمر : 41

https://falcon-dz.ahlamontada.net

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى