همس المشاعر ( لا تنتهي ) ..

استعرض الموضوع السابق استعرض الموضوع التالي اذهب الى الأسفل

همس المشاعر ( لا تنتهي ) ..

مُساهمة  river.singer في الأحد سبتمبر 07, 2008 8:24 pm

قسم الطوارئ الساعه 9ونص الليل
هيفا: يالله يا الدنيا معقوله هذا يصير فينا كذا ياربي وش ذا الي صابنا..... ياحياتي ياابوي شكله يقطع القلب الله لايلومه بنته ويصير فيها كذا اه ياقلبي الله يجيب العواقب سليمه يالله يارب لاتفجعنا فيهم.... وانت بعد اركد وشفيك ترفس بطني مو وقته
الدكتور: يطلع من غرفة العمليات ووجه مكشر
ابو محمد وفهد وام محمد: بشر يادكتور قولي مشاعل بنتي وناصر وشصار عليهم
الدكتور: اهدو ياخوان انا اسف مشاعل كانت حامل واطرينا ننزل الجنين لان حالتها صعبه والقلب مايتحمل ادعولها اما زوجها فحالته صعبه جدا وهو بغيبوبه تامه
ام محمد طاحت من طولها لما سمعت الخبر
مشاعل بنت اابو وام محمد وهيفا اختها الكبيره وهي حامل وفهد اخو ناصر زوج مشاعل وبنفس الوقت ولد عمها طبعا هي وافقت تتزوج ولد عمها بعد مانجرحت من حب عاصف دخل قلبها وكان اول حب و نبض بقلبها ولكان ايش الي صار تعالو نرجع لوراا كم سنه
ام محمد : ياهيفاا ياهيفاا يلا الغدا ونادي اختك واعبدالله اخوك يلا محمد وابوك على السفره
هيفا انشالله يمه مشاعل مشاعل يلا الغدا وقولي لبعد الله
مشاعل: زين زين
مشاعل على الماسنجر تكلم فهد حبيبها : معليش قلبي الحين بنزل التغدى امي شابه وباقي بروح اقوم اخوي
بدر: لااا لااا مشاعل ماشبعت منك تكفين اقعدي
مشاعل : ماقددر اعوضك انشالله
بدر: يوووه انا ماصدقت لقيتك وانتي تعرفين انا مو دايم اقدر ادخل وانتي بعد اه لو بس تسمعين كلامي وتكلميني
مشاعل: بدر وبعدين وربي لازعل
بدر : لالا الله يعافيك بعدين وش يراضيك انتي لالا خلاص توبه لو تكلمت طيب متى بتقدرين تدخليين
مشاعل: شطور حبيبي بدخل اليوم بعد العشا وشرايك
بدر: احاول انشالله اقدر
مشاعل: اوكي حبيبي تامرني شي
بدر: سلامت قلبك ياغلى من سكن دنيتي مشاعل احبك والله احبك احساس ماقدر اوصفه لك احبك
مشاعل: ......................مستحيه
بدر: الله معاك حبيبتي وانتبهي لنفسك وكلي زين
مشاعل: انشالله باي
بدر : باي
على الغدا يحكون عن زواج هيفا وطلباتها الي ماتخلص واخوانها فرحانين ويساعدونها
ابو محمد: مشااااعل يابنيتي ابيك بعد الغدا
مشاعل: تامر من عيوني
هيفا : يبا وشتبي فيها قولي
ام محمد: يالقفك مير ذكرتيني ترا الخياطه اتصلت روحي شوفي فستانك
هيفا: والله يمه واللله (طارت من الفرحه)
محمد: اوف اوف هيفوه كنك تبين العرس اليوم قبل بكره عشان تفتكين ممننا
هيفا : وشدعوه اخوي لالا بس عاد لاتدقق حمود
راحت مشاعل لابوها بالمكتب: يبا امرني وشبغيت
ابو محمد: يابنتي انتي كبرتي وخلاص بقيلك سنه وتخلصين دراسه وتدخلين الجامعه وماشالله عليك جمال وادب واخلاق وكلن يتمناك عشان كذا انا ماراح اوافق على اي احد ياخذك الا اذذا هو يستاهلك ويعرف قدرك
مشاعل: تحب فوق راس ابوها الله يسلمك ولا يخليني منك ( مسكينه تحسبه خلص)
ابومحمد: عشان كذا يابنتي ناصر ولد عمك خطبك وهو ماشالله عليه متخرج ومكون نفسه بنفسه وماشالله اخلاق وادب وعقله مو مثل هالشباب الطايشين ومتفتح واهم شي هو شارييك ومنقيك بنفسه ولابغا غيرك
مشاعل نزلت راسها ودموع متحجره بعيونها: يبه مابي اتزوج الله يخليك بيه الله يخليك وبدت تصيح
ابو محمد: يابنتي ليش انتي خلاص كبرتي
مشاعل: يبه ولي يسلمك انا مابي اتزوج ودي اخلص دراستي وبعدين ناصر كبير انا توني 17 وهو 28 حرام يبه مابي مابي وتصييح
ابو محمد: يابنتي هدي نفسك انا مو غاصبك على شي ماتبينه اصلا حتوى لو وافقتي مافي زواج الا بعد ماتتخرجين من التوجيهي وكلها سنه يابنيتي وبعدين انا مابي ردك الحين انتي فكري ورديلي بعد اسبوع ومحد بيغصبك على شي ولاا راح احد يزعل هذا زواج ووحيات تخصك انتي وانتي وحدك تقررين يلا يابنيتي مسحي دموعك ماحب اشوف دموعك يالله يابنتي
مشاعل وهي مرتاحه شوي من كلام ابوها:انشالله يبه وطلعت لغرفتها
دخلت ام محمدك ها بشر يابو محمد
ابو محمد:والله مدري بس الظاهر مافي نصيب
ام محمد: هذا لونك يابو محمد رقيق دمعتلك دمعتين وانت خلاص ماصدقت والله ناصر ولد مافي مثله وحرام ماتاخذه بنتك
ابو محمد: وش اسوي اغصبها هذي حياتها وهي تخصها
سكتوا على دخلت عبد الله ..
نرجع لمشاعل وهي تصييح ومنهاره تقول ياربي وش اسوي اخاف اسبب مشاكل للعايله ولا ابي اتزوجه وهو ووجه خلا كل بنات عمه ومالقى غيري قال ايشش قال متحرر تلقاه قال خلني اخذ ذا البزره وامشيها على كيفي مسيكين مايدري لو خذاني لاطلع عيونه واوريه من مشاعل يووه بدر لالا مستتحيل اوفق واخلي بدر حبيبي عمري وقلبي ودنيتي وينقطع حبل افكار مشاعل على طق اختها هيفا
هيفا يلا قومي بعد ساعه بنروح للخياطه وامي ماتبي تروح تراك بتروحيين معي
مشاعل: ياربي مابي خليني بلحالي
هيفا يؤ يؤ وشفيك ميشو حبيبتي وشفيك وتجي تحضن اختها
مشاعل : حكت لاختها كل شي
هيفا تدفها مالت عليك الحين احسب في شي عظيم واثره بس هذاقومي البسي كنك ماتعرفين ابوي استحاله يغصبك على شي ماتبينه يلا ساعه والاقيك جاهزه
دخلت مشاعل النت ولا بدر في
بدر : هلا بنور الدنيا هلاهلا نور ماسنجررري
مشاعل : هلا وغلا
بدر : تغديتي زين
مشاعل: الحمد الله
سكوت
بدر : شعولتي وشفيك حبيبتي شكلك متضايقه
مشاعل: من قال حبيبي الا مبسوطه بشوفتك بس ماقدر اطول عشان بطلع مع هيفا ( جت مشاعل بتقول لبدر بس خافت انه يتاثر ويضيق صدره وهي عارفه ان ابوها ليمكن يغصبها على شي)
بدر: وووين وووين وليش ماتستاذنين ولا مو عاجبك انشالله
مشاعل : بنروح لوسام الخياطه
بدره : لالا لاتقولين انا بودي اهلي هناك تكفين مشاعل تكفين خليني اشوفك حرام لي سنه ونص وانا اعرفك تكفين حبيبتي تكفين والي يخليك طلبتك ارجووك
مشاعل ماتدري وشتسوي رحمته يوم طلبها وبنفس الوقت ماتبي توافق ياربي وشازين وش ازين
بدر: شعولتي حبيبتي الله يخليك انتي مو بتروحين خلاص انا بروح واشوفك عادي زي اي احد والي يسلمك ارجووك ارجووك تكفين والي يخليك
مشاعل: ها مدري لا طيب وشلون للا لا لا ماقدر
بدر: تكفيين مشاعل انتي ماراح تركبين معي بسيارتي ولا بتقعدين بحضني من بعدي مشاعل والي يسلمك
هيفاا تطق الباب يلا مشاعل مابعد لبستي يلا انا تحت
مشاعل : يلا حبيبي انا بطلع ماقدر اقعد باي ( وطلعت تهرب من الموقف)
بدر: يمه يمه يمه يلا يلا الحين بوديكم ولا ترا ماراح اوديكم يلا بسرعه
ام بدر: يوه ياوليدي وشبك منرج كذا بسم الله عليك
بدر : يمه يلا تراني اذا ماوديتكم الحين بمشي
ام بدر: انا جاهزه ناد خواتك
بدر: ريم ريمووه يلا انتي ومنيره 5دقياق اذا مالقيتكم بالسياره بمشي يلا
ريم تناظر بمنيره اختها: وشفيه ذا منخبل مسيكين وبعدين ساعه اترجاه وهو مقابل النت الحين وافق من جد مطيور
منيره: اقول امشي بس تراه يسويها ويروح يخليلنا
نزلت منيره وريم تحت ولابسين عباياتهم وججاهزين كلهم بالحوش ينتظرون بدر ططال عمره الي راح يتزين
نرجه لمشااعل : ياربي الحين ذا لو انه صادق وجا ياربي فشيله ييؤيؤ عيوني منفخه من الصياح لالا ياربي وشازين لالا ماتوقع انه بيجي كذا مره سوا فيني كذا بس يخوفني طيب واذا جا انا مالي شغل بطلع زي مانا اطلع دايم وبكيفه
جت بتطلع وتلتفت على المرايه وتناظر نفسها يؤ وين الكحل راحله وين بيروح يعني مع الدموع ياربي بنجن
وتمسح السواد الي تحت عيونها وحطت كحل بعيونها وجلوووس وطلعت
هيفا: مشاعل وشفيك كنك منصفقه
مشاعل: مافيني شيي
هيفا : كل هذا عشان ناصر ابو ماراح يغصبك تذكرين يوم اقول لابوي خلاص بفك الملكه ومدري ايش ناقشني وقالي فكري ولك الي تبين وبعدين انا الي غيرت رايي لاتشيلين هم ابوي مو واحد متحجر ابوي متعلم وواعي ومتفتح يعني بلا دلع بنات
مشاعل مقتنعه بكلام هيفا: اوكي بسم كلامك لو غصبني انتي الي بتتصرفين زيين
هيفا: ولا يهمك دام راسي يشم الهوا مانتي ماخذه الا الي فبالك
نرجع لبدر
ام بدر: يمه ياوليدي وشبك طاير ترا معاد فيني اعصاب بشويش ياحبيبي
ريم: ايه يابدر وش ذا العجله بشويش
بدر: عندي مشوار بتطولون انتم والا
منيره : بنقيس فساتينا وبس
بدر : زين يلا انزلوا هذانا وصلنا
نلزوا بدر وقف قدام المحل ووقلبه يدقدق يالله اخيرا بشوووف حبيبة قلبي ياربي اخيرا بشووفه بس هي شكله عاديه ماتوقع مره حلوه لانه مره طيبه ولا فيها غرور ذا البنات اه ياقلبي بس لو تكلمني وتصير معي بكل دقيقه وثانيه وهو يفكر بحبيبته وراسه يتلفت يدور سياره ولا احد والا ذي بي ام فضي واقفهوتنزل من وحده متمكيجه ومتصلحه بدر طار عقله معقوله هذي حبيبتي وعمري وقلبي ودنيتي بس ذي كانها قصيره والطول الي قالته لي مفروض تكون اطول معقوله هي تكدب ولا تنزل وحده من الجهه الثانيه ويطير قلبه وعقله اكيد هذي ياحلوووها ياربي وش ذا الجمال وتطيح عينه بعيتها مشاعل تجمدت وقفت بمحلها بعدين استوعبت ومشت وبدر انهبل ماصدق لالا ياربي اكيد مو هي اكدي اني احلم معقوله ربي يعطيني كل ذا لالالا مستحيل اكيد اني احلم انا وجهي
هيفا : وشفيك يامشاعل وقفتي بنص الطريق منتي صاحيه
مشاعل : معليش حسيت بدوخه بس
مشاعل انا غبيه وش الي سويته ياربي سامحني ياربي الحين وش بيقول علي بيقول هذي ماتستحي لالا ماتوقع بدر يقول كذا وشو الي مايقوله هو رجال زيه زي غيره ياربي وشالي وسيته
هيفا : مشاعل مشاعل يلا امشي وشفيك تعبانه اجيبلك شي تاكلين باقي حاسه انك دايخه
مشاعل : لالا الحمد الله مرتاحه
محمد: يانوره ياحبيبتي مايصير كذا انتي اكيد مالكه شي تعالي اوديك الدكتور مو معقول كذا كل ماكلتي شي ماقعد في بطنك ودايخه شوفي وجهك كيف اصفر
نوره: مافيني شي خلاص انا الحمد الله احسن لاتشيل همي ياقلبي بشرني على شغلك انشالله زين
محمد: نوره ياحبيبتي ي عن الدلع قومي يلا انا بالسياره استناك 5 دقايق وانتي نازله يلا
نوره تقاطع محمد: الالا يامحمد مابي لو سمحت
محمد : قلت عن الدلع قومي يلا فاهمه ولا والله لاجيب الدكتور لهنا فاهمه يلا وشتبين اختاري
نروه : خلاص خلاص لاتعصب الحين نازله
راح محمد لسيارته وياقبله عبد الله : هلا محمد على وين ووش ذا التكشيره
محمد: نوره تعبانه وماتبي تروح لدكتور الحريم ودلعهم
عبدالله: قايلك لاتتزوج الزواج غثا وهم
محمد يقاطع عبد الله: اقول انثبر انت ووجهك الزواج استقرار وسعاده عاد الي يشوفك الحين منت منغث من حياتك وانت مراكض بالاسواق والقهاوي والوقت الضايع
عبدالله: ساكت كلام اخوه صح
نزلت نوره يلا محمد
عبد الله: سلامتك يامرة اخوي ماتشوفين شر انشالله
نوره : الله يسلمك الشر مايجيك[/align]

river.singer
Admin
Admin

عدد المساهمات : 374
تاريخ التسجيل : 22/08/2008
العمر : 33

معاينة صفحة البيانات الشخصي للعضو http://falcon-dz.ahlamontada.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى